Scott flugustangirnar

Merkið hér að ofan segir sína sögu. Á þessu ári er hins vegar kominn tími til að breyta því aðeins og skipta þremur út fyrir fjóra af þeirri ástæðu að í ár, 2014, eru fjörutíu ár frá því að Harry Wilson stofnaði fyrirtæki sitt í San Francisco í þeim tilgangi að framleiða framúrskarandi flugustangir. Framleiðslan var síðar flutt til Telluride í Colorado 1993 og loks til Montrose, þar sem stangirnar eru framleiddar nú.

Fyrstu stangirnar voru úr trefjagleri en Scott skipaði sér strax í fremstu röð bandarískra stangarframleiðanda á árinu 1975 þegar fyrirtækið kynnti þá nýjung að framleiða 9 feta stöng fyrir línu 4 úr grafíti. Þessi nýjung og fleiri nýjungar, sem komu til sögunnar síðar, sköpuðu Scott sterka stöðu á bandaríska markaðnum. Það voru hins vegar aðrir bandarískir framleiðendur sem náðu fyrr að skapa sér sterka stöðu erlendis og þar með hérlendis. Þegar ÁRVÍK hóf að selja Scott stangir hér á landi á árinu 1996 höfðu allir helstu framleiðendur komið sér vel fyrir á íslenska markaðnum.

Scott flugustangirnar hafa hins vegar notið vaxandi vinsælda hér á landi fyrir vandaða smíði og góðan frágang, enda eru þetta kraftmiklar stangir með tilfinningu fyrir kröfuharða veiðimenn. Nýjasta stöngin, Radian, sameinar þessa kosti, hraða og tilfinningu, enda vann hún til tvöfaldra verðlauna á síðasta ári.

Á IFTD sýningunni í Las Vegas sumarið 2013 var Radian stöngin valin „Best New Freshwater Fly Rod“. Hún skaraði einnig fram úr öðrum nýjungum á sýningunni og var valin „Best of Show“. Scott náði þessum árangri með því að sameina ReAct og X-Core tæknina og ná fram bæði hraða og tilfinningu. Veggþykktin í stönginni var minnkuð þar sem FiberFuse resínið nær fram 20% meiri styrk en venjuleg Epoxy resín. Títaníum lykkjurnar eru frá Snake Brand. Þær eru ryðfríar og hannaðar til þess að línan renni betur í gegnum þær. ARC (advanced reinforced carbon) vinnur gegn snúningsátaki, sem eykur nákvæmni kastsins. Náttúruleg áferð stanganna gerir þær sérstakar. Stangirnar eru til á lager hjá okkur bæði í níu og tíu fetum fyrir línu fjögur til átta.

Radian stöngin

Það er ekki ætlun Scott að bjóða Radian stöngina fyrir almennan markað sem tvíhendu. Það er óþarfi enda er T3H stönginni ætlað það hlutverk. T3H stöngin er smíðuð með X-Core tækninni og ARC vinnur gegn snúningsátakinu og eykur styrk stangarinnar. T3H stöngin er fáanleg frá Scott fyrir línuþyngd 4 til 10 í lengdum frá tíu og hálfu feti upp í 16 fet. ÁRVÍK er með algengustu stærðirnar á lager. Nokkur eintök af forveranum, T2H, eru einnig til á lager og jafnvel nokkur eintök af kassísku tvíhendunni ARC í nokkrum útgáfum á afar hagstæðu verði frá því fyrir hrun bankakerfisins. Hið sama má segja um LS2 stöngina sem er afar skemmtileg tvíhenda, sömuleiðis á hagstæðu verði.

A4 stöngin kom á markað á árinu 2012 og tók við af A3 stönginni. Báðar gerðirnar eru til á lager. A3 stöngin er afar hagkvæmur kostur. Hún er enn til í nokkrum gerðum sem einhenda en er hins vegar uppseld sem tvíhenda. A3 stöngin er einnig fáanleg sem „two hand assist“ eða „switch“ stöng. Það var Scott sem kynnti þessa tegund stanga til sögunnar með ARC 11964 stönginni. Engilbert Jensen var fyrsti Íslendingurinn sem smíðaði þá stöng með efnishlutum frá Scott. A4 stöngin er hins vegar eingöngu framleidd sem einhenda. Tvíhendu-útgáfan af A4 stönginni er L2H stöngin. Hún er til á lager fyrir línuþyngdir frá sex til níu.

Þegar minnst er á Engilbert Jensen, en hann er einn af „Pro Staffráðgjöfum Scott, er rétt að geta E2 stangarinnar en hún var smíðuð eftir hugmyndum hans. Hún er mjúk í toppinn en kraftmikil niður í skaftið. Samsetningar eru slípaðar þannig niður að sveigjan í stönginni verður jafnari. Þessir eiginleikar gera stöngina að mjög fjölhæfu verkfæri þannig að sama stöngin nýtist til veiða á fiskum af töluvert mismunandi stærðum. Þessi stöng kom á markað hér í byrjun árs 2005 og fékk strax mjög góðar viðtökur. Samsetningar stangarinnar eru ákveðin málamiðlun milli broddenda og hefðbundinnar samsetningar. Í mörgum tilvikum er hægt að afgreiða topp á þessar stangir af lager þótt Scott hafi fallið frá því að bjóða upp á þá lausn varðandi nýrri stangir með þessari samsetningu. Enn eru til nokkur eintök af þessari frábæru stöng.

Þegar S4 stöngin kom á markað var hún með sömu samsetningum og E2 stöngin. Þær eru einfaldari en samsetning með broddendum eins og eru á S3 stöngin. Báðar þessar stangir eru ekki lengur fáanlegar frá Scott en þær eru til í helstu gerðum hjá ÁRVÍK og eru kostagripir.

  Broddendasamsetning

STS gerðin er hröð klassísk stöng frá Scott. Hún var upphaflega hönnuð fyrir veiðar í Karíbahafinu. Þar er nauðsynlegt að stangir vinni vel í vindi á opnu hafi. Þær bregðast einnig skjótt við fiski sem gerir þessa tegund tilvalda í sjóbirtingsveiði hérlendis. STS stöngin á fjölda dygga aðdáendur hér á landi sem hafa aldrei veitt á skemmtilegri stöng. Þegar framleiðslu hennar var hætt voru margir ósáttir við þá ákvörðun og fengum við jafnvel fyrirspurnir frá Flórída hvort ÁRVÍK gæti selt verslunum þar STS stangir. Scott ákvað síðar að bjóða upp á STS stöngina í nokkur ár í flokki klassískra stanga. ÁRVÍK getur enn boðið nokkrar gerðir fyrir línu 5 og línu 9.

G2 var kynnt til leiks á árinu 2006 sem „the new Ultimate Presentation Tool“. Stöngin var og er vissulega draumur silungsveiðimannsins. Hún er til á lager fyrir línu 3 til línu 7.

Fyrir þá sem eltast við silung við þröngar aðstæður þar sem nákvæmni er þörf í hverju kasti er F2 stöngin kostagripur. Hér hefur Scott fullkomnað smíði stangar úr trefjagleri til þessa verkefnis. Stöngin er til á lager fyrir línu 3 til línu 5.

Á árinu 2010 hóf Scott að bjóða upp á sérsmíði stanga þannig að áhugasamir veiðimenn gátu valið saman einstaka hluti og sett saman uppskrift að óskastönginni sem Scott svo smíðaði. Þetta fyrirkomulag er enn til staðar og stendur viðskiptavinum okkar til boða. Jafnvel þótt ekkert verði af kaupum er vissulega gaman að fara inn á heimasíðuna og setja saman hvernig draumastöngin á að vera. Það má gera hér. M stöngin er tilkomin vegna þessa draumastarfs. Þessi stöng er dýrasta einhendan frá Scott. Hún er til á lager fyrir línu 5, 7 og 8 en hún er til í nokkrum fleiri gerðum frá Scott.

Fjórar verslanir eru með mesta úrvalið af Scott stöngum frá okkur. Það eru Krafla og Veiðiportið í Reykjavík, Veiðvörur á Akureyri og Flugukofinn í Keflavík. Þessar verslanir eru ekki með allt úrvalið en það er einfalt mál fyrir þær að útvega óskastöngina og hafa hana til reiðu, jafnvel meðan beðið er, ef verslunin er í Reykjavík. 

 

© ÁRVÍK mars 2014

Nřjustu frÚttir
Frá og með 1. september nk., eða síðar samkvæmt samkomulagi, er skrifstofuhúsnæði okkar til leigu....
┴RV═K og...
Hinn 1. mars 2019 sameinuðu Veiðiflugur og Árvík krafta sína í þjónustu við veiðimenn....
Tilbo­ ß Wychwood...
Wychwood vika 18. til 24. febrúar 2019 Nú í vikunni bjóðast viðskiptavinu átta Wychwood vörur...
Scott stangir til...
Scott stangirnar hafa unnið reglulega til verðlauna sem bestu nýju stangirnar á IFTD sýningunni í...
Haf­u...
Brotnaði Scott-stöngin þín í sumar? Viltu hafa hana klára fyrir næsta sumar? Þá er nú...