Stofnun

Árvík var stofnað sem sameignarfélag hinn 7. nóvember 1983 þegar forvera þess, inn- og útflutningsfyrirtækinu G. Þorsteinsson & Johnson var skipt milli tveggja aðaleigenda þess.

Árvík sf. var síðar breytt í hlutafélag hinn 8. desember 1990. Félagið var frá stofnun með aðsetur í Reykjavík, en í árslok árið 2000 var byggingarsvið fyrirtækisins selt og flutti fyrirtækið þá starfsemi sína að Garðatorgi 3 í Garðabæ hinn 1. mars 2001.

Í þjónustu iðnaðar

Árvík hefur frá upphafi unnið í þjónustu íslensks iðnaðar. Hefur félagið aðallega selt hráefni og hjálparefni til ýmissa iðngreina. Við flutning fyrirtækisins í Garðabæ árið 2001 hélt fyrirtækið áfram hráefnaviðskiptum sínum við málningar- og plastiðnaðinn. Er það aðalstarfsemi fyrirtækisins. Fyrirtækið hefur einnig selt afgreiðslu- og öryggiskerfi fyrir bókasöfn. Loks annast Árvík hf. heildsöludreifingu á ýmsum vörum til stangveiði, einkum fluguveiði.

Hlutverk

Það hefur ávallt verið eitt meginhlutverk félagsins að vinna eingöngu með áreiðanlegum birgjum og selja einungis vörur sem fullnægja ströngum gæðakröfum. Félagið hefur selt hráefni til plastiðnaðar í yfir hálfa öld og sala félagsins á vörum til stangveiði byggir einnig á áratuga samstarfi við trausta framleiðendur og eigin reynslu af notkun þessara vara við fluguveiðar á Íslandi.