Árni Árnason er framkvæmdastjóri ÁRVÍKUR hf. Hann lauk prófi í rekstri og stjórnun fyrirtækja frá háskólanum í Minnesota (MBA). Auk starfa sinna sem framkvæmdastjóri sér hann um sölu á efnavörum til plast- og málningariðnaðar.

Berglind Friðþjófsdóttir er aðstoðamaður og ritari framkvæmdarstjóra. Hún annast frágang pantana og eftirfylgni vegna þeirra. Hún sér einnig um tollafgreiðslu innfluttrar vöru, tollskýrslugerð og verðútreikning. Berglind lauk stúdentsprófi frá Menntaskólanum á Ísafirði 1981 og stundaði síðar framhaldsnám í lögfræði við Háskóla Íslands. Hún hefur unnið á lögfræðistofum og hjá tveimur innflutningsfyrirtækjum áður en hún kom til starfa hjá Árvík hf.

Elsa Jónsdóttir annast bókhalds- og gjaldkerastörf hjá Árvík hf.  Það felur m.a. í sér færslu bókhalds, útsendingu og innheimtu reikninga og önnur fjármál.  Hún hefur annast bókhalds- og gjaldkerastörf hjá ýmsum fyrirtækjum til margra ára.  Hún hefur einnig lokið prófi sem leiðsögumaður og starfaði við það um skeið. 

Garðar Stefánsson sér um veiðivörur fyrirtækisins.  Hann hefur lokið stúdentsprófi frá Menntaskólanum í Kópavogi, af hagfræðibraut árið 2004 og  stundar nú nám við Háskólann í Reykjavík í viðskiptafræði. Helstu áhugamál hans eru fluguveiði og skotveiði.

Geir Thorsteinsson hefur séð um uppsetningu á heimasíðu félagsins og verið ráðgefandi um kynningarmál. Geir er viðskiptafræðingur að mennt en lauk síðar MBA námi frá Háskóla Íslands á árinu 2004. Hann hefur mikla reynslu af veiðiskap, bæði fluguveiði og skotveiði.