Allar vörur vikunnar
UV LJÓS STÓRT - UV BENCH LIGHT

Vörunúmer: LOF6102

UV BENCH LIGHT ljósið frá Loon er öflugt UV vasaljós. Festing fyrir belti fylgir ásamt rafhlöðu. Ljósið notar eina AA rafhlöðu. Ljósið er 9 sm langt, svart, gert úr gæða-áli (aircraft grade). Ljósið ætti að herða UV efni á 15 sekúndum. Ljósið er stillanlegt til þess að beina betur geislanum við hnýtingar.

Varúð: Ljósið er ekki leikfang og ekki ætlað börnum. LED ljós geta valdið augnskaða. Látið ljósið ekki skína í augu og beinið því ekki að endurskinsefnum þannig að horft sé í geislann.

FLUORESCING UV CLEAR FLY FINISH

FLUORESCING UV CLEAR FLY FINISH er nýtt lakk frá LOON

Það gerir fluguna sýnilegri í vatni. Fluorescing vörurnar frá LOON nýta UV geisla sólarinnar sem ná undir yfirborð vatnsins og endurkasta lit sem verður sýnilegri fiskinum. Lakkið tekur sig þegar Loon UV ljósi er beint að lakkinu.

Lakkið má nota til þess að búa til vænghús, lakka haus, eða búk, allt eftir óskum.

Vörunúmer: LOF0120UV

HNÝTINGAÁHALDASETT - FLY TYING TOOL KIT

Vörunúmer: LOF1200

Þetta sett með hnýtingaáhöldum frá LOON geymir flest nauðsynlegustu áhöldin til hnýtinga. Í settinu eru tvenn skæri, keflishalda, nál, tól fyrir endahnútinn, dubbingbursti og fleira. Settið er kærkomið fyrir byrjandann sem vantar helstu áhöldin eða fyrir þann sem vill hafa áhöldin á sama stað. Öllum áhöldunum er haganlega komið fyrir í þartilgerðu boxi eins og myndirnar sýna.

Fréttir
24.09.13
Radian verđlaunastöngin frá Scott
Radian...

Þeir, sem hafa veitt á Scott stangir, vita að þar hafa flinkir hönnuðir og stangarsmiðir verið að verki. Það er samt ekki gefið að stangarhönnuðir Scott njóti ávallt verðskuldaðrar viðurkenningar. Aðrar stangir eru betur þekktar í Evrópu og meira auglýstar. Scott er hins vegar vel þekktur framleiðandi á Bandaríkjamarkaði og nýtur virðingar. Það er því töluvert að marka viðurkenningar, sem stangir þeirra fá á sýningum í Bandaríkjunum, þar sem allir bandarísku framleiðendurnir koma saman. Það gerðist í sumar á IFTD sýningunni í Las Vegas.  International Fly Tackle Dealer (IFTD) sýningin er sú stærsta sinnar tegundar í heiminum og þar eru allir helstu stangarframleiðendur þátttakendur.

Skemmst er frá því að segja að nýja Radian stöngin frá Scott vann til tvöfaldra verðlauna. Radian stöngin var bæði valin besta stöngin í sínum flokki, þ.e. ,,Best new Freshwater Fly Rod“ og  einnig með tilliti til annarra nýjunga á sýningunni í öðrum vöruflokkum skaraði hún fram úr og var valin: ,,Best of Show“. Það er ekki hægt að ná betri árangri í samanburðinum.

Í Radian stönginni hefur Scott tekist að sameina hraða og tilfinningu. Margir framleiðendur hafa sífellt verið að gera stangirnar sínar hraðari, jafnvel þannig að veiðimaðurinn missir tilfinningu fyrir stönginni og ræður ekki við hraðann, þótt mörgum finnist auðveldara að kasta stöng sem vinnur hraðar. Þarna hefur það einnig komið á daginn að kraftmestu stangirnar í fluguköstum eru ekki alltaf þær skemmtilegustu til að bregða við fiski og landa honum. Scott hefur hins vegar tekist þetta með Radian að sameina góða kasteiginleika og það að veiðimaðurinn fær næma tilfinningu fyrir stönginni sjálfri.

Hvernig fer Scott að þessu? Scott notar X-Core tæknina til þess að smíða stöng með þunnun veggjum og tilfinningu og ReAct tæknina til þess að ná fram hraða og draga úr titringi þegar kastið endar. Þannig sameinar Scott hraða og tilfinningu. Ýmsar fleiri nýjungar mætti nefna, svo sem nýju lykkjurnar frá Snake Brand og REC hjólasætið, en sjón er sögu ríkari.

Radian stangirnar eru fáanlegar fyrir línuþyngdir 4 til 8. Þær eru allar í fjórum hlutum. Nánari lýsingu á smíði þeirra má finna inni á heimasíðu Scott hér. ÁRVÍK hefur fengið nokkrar stangir til landsins fyrir línu 5, 6, 7 og 8 en stöngin hefur ekki verið auðfengin vegna mikillar eftirspurnar strax í kjölfar verðlaunanna. Stöngina er hægt að skoða hjá helstu endursöluaðilum okkar, þ.e. Flugukofanum í Keflavík, Veiðivörum á Akureyri og hjá Kröflu og Veiðportinu í Reykjavík. Meira úrval af stönginni er væntanlegt fyrir jól. Væri ekki úr vegi að veiðimenn kæmu óskum sínum á framfæri í einhverri þessara verslana þannig að tryggja megi að óskastöngin geti hugsanlega verið undir jólatrénu á aðfangadagskvöld.

Deila fréttDeila frétt

Karfan mín

Karfan er tóm
Hjálp
Nýjustu fréttir
Frá og með 1. júlí nk., eða síðar samkvæmt samkomulagi, er skrifstofuhúsnæði okkar til...
ÁRVÍK og...
Hinn 1. mars 2019 sameinuðu Veiðiflugur og Árvík krafta sína í þjónustu við veiðimenn....
Tilbođ á Wychwood...
Wychwood vika 18. til 24. febrúar 2019 Nú í vikunni bjóðast viðskiptavinu átta Wychwood vörur...
Scott stangir til...
Scott stangirnar hafa unnið reglulega til verðlauna sem bestu nýju stangirnar á IFTD sýningunni í...
Hafđu...
Brotnaði Scott-stöngin þín í sumar? Viltu hafa hana klára fyrir næsta sumar? Þá er nú...