Allar vörur vikunnar
UV LJÓS STÓRT - UV BENCH LIGHT

Vörunúmer: LOF6102

UV BENCH LIGHT ljósið frá Loon er öflugt UV vasaljós. Festing fyrir belti fylgir ásamt rafhlöðu. Ljósið notar eina AA rafhlöðu. Ljósið er 9 sm langt, svart, gert úr gæða-áli (aircraft grade). Ljósið ætti að herða UV efni á 15 sekúndum. Ljósið er stillanlegt til þess að beina betur geislanum við hnýtingar.

Varúð: Ljósið er ekki leikfang og ekki ætlað börnum. LED ljós geta valdið augnskaða. Látið ljósið ekki skína í augu og beinið því ekki að endurskinsefnum þannig að horft sé í geislann.

FLUORESCING UV CLEAR FLY FINISH

FLUORESCING UV CLEAR FLY FINISH er nýtt lakk frá LOON

Það gerir fluguna sýnilegri í vatni. Fluorescing vörurnar frá LOON nýta UV geisla sólarinnar sem ná undir yfirborð vatnsins og endurkasta lit sem verður sýnilegri fiskinum. Lakkið tekur sig þegar Loon UV ljósi er beint að lakkinu.

Lakkið má nota til þess að búa til vænghús, lakka haus, eða búk, allt eftir óskum.

Vörunúmer: LOF0120UV

HNÝTINGAÁHALDASETT - FLY TYING TOOL KIT

Vörunúmer: LOF1200

Þetta sett með hnýtingaáhöldum frá LOON geymir flest nauðsynlegustu áhöldin til hnýtinga. Í settinu eru tvenn skæri, keflishalda, nál, tól fyrir endahnútinn, dubbingbursti og fleira. Settið er kærkomið fyrir byrjandann sem vantar helstu áhöldin eða fyrir þann sem vill hafa áhöldin á sama stað. Öllum áhöldunum er haganlega komið fyrir í þartilgerðu boxi eins og myndirnar sýna.

Fréttir
10.05.13
Vötnin vakna
Vötnin vakna...

Í helgargöngu umhverfis Vífilsstaðavatn laugardaginn 4. maí síðastliðinn sá ég tvo veiðimenn fá töku nær samtímis. Ég heilsaði upp á annan þeirra, Bjarka Má Jóhannsson, og fékk að mynda bleikjuna hans. Ég fékk stöngina hans lánaða sem viðmið. Bjarki afsakaði að hann væri því miður ekki með Scott STS 905/4 stöngina sína en ég get upplýst hann og aðra, sem eiga stangir á heimleið úr viðgerð, að þær verða í New York í næstu viku á leið til landsins. Stangirnar hafa tafist en slást í för með vörusendingu frá Fishpond sem er væntanleg. Á myndinni má sjá bleikju Bjarka. Á kynningarspjaldi við Vífilsstaðavatn segir að bleikjurnar þar verði allt að 40 sm langar en bleikja Bjarka sýnist lengri:


Kuldinn í apríl hefur seinkað vatnaveiðinni en öll skilyrði voru til staðar þegar ég leit við í Hlíðarvatni 7. apríl og renndi seinni partinn. Ég fór um vatnið og ég held að allir hafi verið að fá fisk og yfirleitt vænan. Veðrið var yndislegt í Selvoginum þennan dag þótt það rigndi með hagléljum á Selvogsgötunni í Hafnarfirði. Vorflugan var að koma upp, stóra toppfluga sýndi sig og annað smærra mý var á sveimi. Þegar ég var búinn að missa tvo í Botnavíkinni á Héraeyra, sá ég mý að brjótast út og setti undir Toppflugupúpu Engilberts Jensen #12. Bleikjan á meðfylgjandi mynd tók hana með krafti:


Hún reyndist 2,5 kg og 59 sm. Tveir himbrimar fögnuðu aflanum með mér. Synti annar baksund með fæturna upp og síðan flugsund á vængjunum yfir Botnavíkina með öldugangi. Þessir fimleikar spilltu veiðinni þarna í bili en tveir félagar úr Árbliki fengu 31 fisk út af Austurnesinu daginn eftir. Stærðarmetið þann daginn sló hins vegar María Petrína Ingólfsdóttir úr Stangaveiðifélagi Hafnarfjarðar. Bleikjan hennar var 2,6 kg og 62 sm.

Tvær Toppflugur í þurrfluguútgáfu...                                                    ...Og svo votfluguútgáfan sem fangaði bleikjuna.

Ég vona að þessi hugvekja kveiki í mönnum að fara til veiða. Ef mönnum vantar tæki og tól bendum við á endurseljendur okkar og vörulistann okkar í vefversluninni ofarlega í vinstra dálki.

Árni Árnason

Deila fréttDeila frétt

Karfan mín

Karfan er tóm
Hjálp
Nýjustu fréttir
Frá og með 1. júlí nk., eða síðar samkvæmt samkomulagi, er skrifstofuhúsnæði okkar til...
ÁRVÍK og...
Hinn 1. mars 2019 sameinuðu Veiðiflugur og Árvík krafta sína í þjónustu við veiðimenn....
Tilbođ á Wychwood...
Wychwood vika 18. til 24. febrúar 2019 Nú í vikunni bjóðast viðskiptavinu átta Wychwood vörur...
Scott stangir til...
Scott stangirnar hafa unnið reglulega til verðlauna sem bestu nýju stangirnar á IFTD sýningunni í...
Hafđu...
Brotnaði Scott-stöngin þín í sumar? Viltu hafa hana klára fyrir næsta sumar? Þá er nú...