Allar vörur vikunnar
UV LJÓS STÓRT - UV BENCH LIGHT

Vörunúmer: LOF6102

UV BENCH LIGHT ljósið frá Loon er öflugt UV vasaljós. Festing fyrir belti fylgir ásamt rafhlöðu. Ljósið notar eina AA rafhlöðu. Ljósið er 9 sm langt, svart, gert úr gæða-áli (aircraft grade). Ljósið ætti að herða UV efni á 15 sekúndum. Ljósið er stillanlegt til þess að beina betur geislanum við hnýtingar.

Varúð: Ljósið er ekki leikfang og ekki ætlað börnum. LED ljós geta valdið augnskaða. Látið ljósið ekki skína í augu og beinið því ekki að endurskinsefnum þannig að horft sé í geislann.

FLUORESCING UV CLEAR FLY FINISH

FLUORESCING UV CLEAR FLY FINISH er nýtt lakk frá LOON

Það gerir fluguna sýnilegri í vatni. Fluorescing vörurnar frá LOON nýta UV geisla sólarinnar sem ná undir yfirborð vatnsins og endurkasta lit sem verður sýnilegri fiskinum. Lakkið tekur sig þegar Loon UV ljósi er beint að lakkinu.

Lakkið má nota til þess að búa til vænghús, lakka haus, eða búk, allt eftir óskum.

Vörunúmer: LOF0120UV

HNÝTINGAÁHALDASETT - FLY TYING TOOL KIT

Vörunúmer: LOF1200

Þetta sett með hnýtingaáhöldum frá LOON geymir flest nauðsynlegustu áhöldin til hnýtinga. Í settinu eru tvenn skæri, keflishalda, nál, tól fyrir endahnútinn, dubbingbursti og fleira. Settið er kærkomið fyrir byrjandann sem vantar helstu áhöldin eða fyrir þann sem vill hafa áhöldin á sama stað. Öllum áhöldunum er haganlega komið fyrir í þartilgerðu boxi eins og myndirnar sýna.

Fréttir
25.11.11
Aquaz - nýjung í vöđlum
Aquaz - nýjung í...

Stundum er sagt að eini munurinn á leikföngum barna og fullorðinna sé verðmiðinn á leikföngunum. Verð leikfanganna hækkar eftir því sem aldurinn færist yfir. Fæstir mundu t.d. kaupa pollabuxur á stráka og stelpur fyrir nálægt 120.000 krónur en vöðlur á fullorðna eru boðnar á því verði. Með því að kynna Aquaz-vöðlurnar inn á markaðinn vill ÁRVÍK leggja sitt af mörkum til þess að sporna  við slíkri verðþróun en bjóða samt gæðavöru.

Vöðlur komu upphaflega á markað í Bandaríkjunum en nákvæm dagsetning er ekki vituð. Góð ágiskun er 1850. Frumkvöðull á þessum markaði var Hodgeman Rubber Company. Til eru auglýsingar frá árinu 1881 þar sem Hodgeman auglýsir ,,Fishing Pants“ og fyrsti keppinauturinn, Goodyear’s India Rubber Manufacturing Company auglýsir ,,Trouting Pants“ á sama ári. Vöðlur eru enn framleiddar í Bandaríkjunum en framleiðslan hefur í vaxandi mæli flust til Asíulanda á síðari árum. Aquaz-vöðlurnar eru framleiddar í Suður-Kóreu og hefur fyrirtækið meira en aldarfjórðungsreynslu af slíkri framleiðslu, bæði undir eigin vörumerki og annarra.

Þótt vöðlur úr gúmmíi hafa verið mikil bylting á sínum tíma var tilkoma neoprene og öndunarefna ekki síðri framför. Það var DuPont fyrirtækið sem kom fyrst á markað með neoprene á árinu 1931. Einangrunargildi efnisins í köldu bergvatni var Íslendingum fagnaðarefni þegar farið var að nota það í vöðlur, þótt uppháar neoprene-vöðlur geti verið ansi hlýjar á heitustu sumardögum. Efni sem anda komu á markaðinn upp úr 1993 og hafa frá þeim tíma nánast tekið yfir markaðinn sem efni í vöðlur. Galli öndunarefnanna er hins vegar að það teygist ekki á þeim eins og neoprene og öndunarvöðlur eru ekki hlýr fótabúnaður í köldum straum- og stöðuvötnum.

Aquaz nýtir kosti beggja efna, neoprene og þriggja laga Aqualex® Pro öndunarefnis í einni gerð af Aquaz vöðlum sem valdar veiðivöruverslanir munu bjóða veiðimönnum næsta vor í samstarfi við okkur. Þessi vöðlugerð (BR-J-701S) nýtir neoprene í sokk, fótleggi og sandvarnarhlíf en frá klofi og upp eru vöðlurnar saumaðar úr öndunarefninu. Vöðlurnar halda hita þar sem mest á reynir. Þetta er einnig sá hluti þar sem algengast er að saumar gefi sig á öndunarvöðlum. Neoprene efnið gefur hins vegar eftir. ÁRVÍK mun einnig hafa á boðstólum heilar neoprene vöðlur með sokk fyrir þá sem það vilja (NF-200S)

                                                BR-J-701S                           BR-304S DX

 

                                    


Í fyrstu verður boðið upp á tvær gerðir af öndunarvöðlum. BR-203S DX gerðin er saumuð úr fjögurra laga Aqualex® Megaflow öndunarefni sem framleitt er í Japan. Sokkurinn er úr neoprene með gúmmístyrktum sóla og sandhlíf fellur yfir skóinn. Hnéhlutinn er tvöfaldur til styrkingar enda algengt að veiðmenn fari á hnén þegar losa þarf úr fiski. Hin gerðin, BR-J-205S, er saumuð úr þriggja laga Aqualex® Pro öndunarefni sem einnig er framleitt í Japan. Á vöðlunum eru tveir vatnsheldir ytri vasar. Vatsheldur rennilás á brjósti auðvelda að fara í og úr vöðlunum. Hné eru sérstaklega styrkt. Báðar þessar gerðir eru sérlega vandaðar en samt á verði sem veiðimenn gætu í fyrstu haldið að væri tvöfalt hærra en smásöluverðið verður í reynd þegar þær koma á markað næsta vor. Myndirnar sýna þessar tvær gerðir:


                                BR-203S DX                                        BR-205S

                                                                                                                                                         

Deila fréttDeila frétt

Karfan mín

Karfan er tóm
Hjálp
Nýjustu fréttir
Frá og með 1. júlí nk., eða síðar samkvæmt samkomulagi, er skrifstofuhúsnæði okkar til...
ÁRVÍK og...
Hinn 1. mars 2019 sameinuðu Veiðiflugur og Árvík krafta sína í þjónustu við veiðimenn....
Tilbođ á Wychwood...
Wychwood vika 18. til 24. febrúar 2019 Nú í vikunni bjóðast viðskiptavinu átta Wychwood vörur...
Scott stangir til...
Scott stangirnar hafa unnið reglulega til verðlauna sem bestu nýju stangirnar á IFTD sýningunni í...
Hafđu...
Brotnaði Scott-stöngin þín í sumar? Viltu hafa hana klára fyrir næsta sumar? Þá er nú...