Allar vörur vikunnar
UV LJÓS STÓRT - UV BENCH LIGHT

Vörunúmer: LOF6102

UV BENCH LIGHT ljósið frá Loon er öflugt UV vasaljós. Festing fyrir belti fylgir ásamt rafhlöðu. Ljósið notar eina AA rafhlöðu. Ljósið er 9 sm langt, svart, gert úr gæða-áli (aircraft grade). Ljósið ætti að herða UV efni á 15 sekúndum. Ljósið er stillanlegt til þess að beina betur geislanum við hnýtingar.

Varúð: Ljósið er ekki leikfang og ekki ætlað börnum. LED ljós geta valdið augnskaða. Látið ljósið ekki skína í augu og beinið því ekki að endurskinsefnum þannig að horft sé í geislann.

FLUORESCING UV CLEAR FLY FINISH

FLUORESCING UV CLEAR FLY FINISH er nýtt lakk frá LOON

Það gerir fluguna sýnilegri í vatni. Fluorescing vörurnar frá LOON nýta UV geisla sólarinnar sem ná undir yfirborð vatnsins og endurkasta lit sem verður sýnilegri fiskinum. Lakkið tekur sig þegar Loon UV ljósi er beint að lakkinu.

Lakkið má nota til þess að búa til vænghús, lakka haus, eða búk, allt eftir óskum.

Vörunúmer: LOF0120UV

HNÝTINGAÁHALDASETT - FLY TYING TOOL KIT

Vörunúmer: LOF1200

Þetta sett með hnýtingaáhöldum frá LOON geymir flest nauðsynlegustu áhöldin til hnýtinga. Í settinu eru tvenn skæri, keflishalda, nál, tól fyrir endahnútinn, dubbingbursti og fleira. Settið er kærkomið fyrir byrjandann sem vantar helstu áhöldin eða fyrir þann sem vill hafa áhöldin á sama stað. Öllum áhöldunum er haganlega komið fyrir í þartilgerðu boxi eins og myndirnar sýna.

Fréttir
15.11.10
Nýjar vörur daglega
Nýjar vörur daglega...

Sumar verslanir geta auglýst að þær taki í sölu nýjar vörur daglega. Sú er ekki raunin hjá okkur en þó, þegar að er gætt, hefur ótrúlega mikið af nýjum vörum bæst við vöruúrval okkar í sumar og haust.

Frá Scott höfum við tekið inn meira úrval af stöngum fyrir léttari línur. A3 og S4 stangir fyrir línu þrjú eru nú lagervara. Einnig höfum við tekið á lager G2 stöngina sem er eitt af flaggskipunum frá Scott. Wychwood er nýtt vörumerki hjá Leeda. Truefly-hjólin og Aura og Truefly-stangirnar koma þaðan og einnig Profil-hjólin sem bera Leeda nafnið.

C&F eru alltaf með eitthvað nýtt. Stóru vatnsheldu boxin eru nú einnig til í stærð ,,medium“ og ,,small“. Einhverjum kann að finnast þessi box í of mikið lagt til þess að verja flugur fyrir veðri og vindum. Box sem tekur 750 flugur, sem hver kostar 300 krónur, og varnar því að öngullinn ryðgi er að verja 225.000 króna fjárfestingu. Það má nokkru til kosta.

Loon er nú með allt lakkið í nýjum betri umbúðum. Það er nauðsynlegt að eiga gott lakk áður en hnýtingarnar hefjast. Önnur snjöll nýjung frá Loon er SharkTooth-teygjubandið. Bandið heldur taumefninu á spólunni og tönnin sker tauminn í réttri lengd.

Þannig mætti áfram telja. Við mælum með að veiðimenn renni yfir vörulistann okkar og útbúi sér lista yfir það sem vantar fyrir næsta vor. Ef óskalistinn er skilinn eftir á áberandi stað er aldrei að vita hvað mönnum kann að áskotnast í jóla- eða afmælisgjöf.

 

 

Deila fréttDeila frétt

Karfan mín

Karfan er tóm
Hjálp
Nýjustu fréttir
Frá og með 1. júlí nk., eða síðar samkvæmt samkomulagi, er skrifstofuhúsnæði okkar til...
ÁRVÍK og...
Hinn 1. mars 2019 sameinuðu Veiðiflugur og Árvík krafta sína í þjónustu við veiðimenn....
Tilbođ á Wychwood...
Wychwood vika 18. til 24. febrúar 2019 Nú í vikunni bjóðast viðskiptavinu átta Wychwood vörur...
Scott stangir til...
Scott stangirnar hafa unnið reglulega til verðlauna sem bestu nýju stangirnar á IFTD sýningunni í...
Hafđu...
Brotnaði Scott-stöngin þín í sumar? Viltu hafa hana klára fyrir næsta sumar? Þá er nú...